| | |

Ævintýrahandbók fjölskyldunnar um Vestfirði

Markaðsstofa Vestfjarða, Vaxtasamningur Vestfjarða og Atvinnuþróunarfélag Vestfjarða hafa tekið höndum saman um að gefa út Ævintýrahandbók fyrir fjölskylduna um Vestfirði.

Þar verður að finna spennandi og skemmtileg ævintýri sem fjölskyldur með börn á öllum aldri geta upplifað saman á Vestfjörðum í sumar. Markmiðið er að hjálpa fjölskyldum að finna sér spennandi verkefni og lenda í litlum ævintýrum á Vestfjörðum.

Núna stendur efnisöflun yfir og allir þeir sem hafa eitthvað skemmtilegt að segja frá, eins og t.d hvar leynast ævintýri, dularfullir staðir, skemmtilegar gönguleiðir og barnvænar fjörur. Einnig þeir sem hafa e-ð uppá að bjóða fyrir börn og fjölskyldur, eins og barnvænar ferðir, opin landbúnað, söfn með sérstaka áherslu á börn o.f.l eru beðnir um að snúa sér til ritnefndar.

Jón Páll hjá Markaðsstofu Vestfjarða: jonpall@westfjords.is
Ásgerður hjá AtVest á Ísafirði: asgerdur@atvest.is
Viktoría hjá AtVest á Hólmavík: viktoria@atvest.is
Guðrún hjá AtVest á Patreksfirði: gudrun@atvest.is