| | |

Stefnumótun vestfirskrar ferðaþjónustu

Nú liggur fyrir stefna ferðaþjónustunnar á Vestfjörðum. Í samantektinni er gerð grein fyrir markmiðum, aðgerðurm og hvernig verður fylgt eftir þeim áföngum sem stefnt er að. Allir ferðaþjónar á svæðinu ættu að kynna sér heildarstefnuna og leggja sitt af mörkum, til dæmis með því að tileinka sér hugmyndirnar og taka þátt í samvinnu og samráði við aðra í greininni svo hún megi verða hornsteinn atvinnulífs á Vestfjörðum. 

Svæðisskipulag Vestfjarða

Nú hafa sveitarfélögin fengið lokaplagg stefnumörkunar Fjórðungsins til þess að taka til umfjöllunar og afgreiðslu. Stefnt er að því að skipuleggja og samhæfa atvinnustarfsemi við umhverfisvernd á öllum Vestfjörðum. Plaggið sem hér er viðhengt hefur verið mótað af hálfu íbúa og sveitarfélaga á fundum í vetur. Svæðisskipulag tekur yfir mörg sveitarfélög. 

Uppbyggingarsjóður auglýsir umsóknarfrest

Nú er aftur gefinn kostur á að sækja um styrki í Uppbyggingarsjóð Vestfjarða. Að þessu sinni geta styrkir numið samtals allt að 13. milljónum. Það vildi brenna við í síðustu umferð að umsóknir væru ekki mótaðar í samræmi við leiðbeiningar. Vandið því til verka og leitið til atvinnuþróunarfulltrúa og starfsmanna Fjórðungssambandsins með aðstoð [valgeir (hja) atvest.is og mmaaria (hja) atvest.is } Þeir fiska sem róa, eins og segir í páskaegginu. 

Sjá hér: vestfirdir.is/uppbyggingarsjodur/

Samvinna ferðaþjóna á svæði Reykhólahrepps, Stranda og Dala

Ferðaþjónusta hefur aukist nokkuð á Vestfjörðum. En háönnin hefur verið stutt og ýmislegt mætti betur fara til að laða ferðafólk meira á staði sem ekki eru jafn fjölsóttir og til dæmis Látrabjarg og Dynjandi. 

Bjarnheiður ferðafulltrúi Dala og María atvinnuþróunafulltrúi á Reykhólum og Ströndum hafa áhuga á að blása lífi í samstarf ferðaþjóna að svæðinu. Tilgangurinn væri að efla ferðamennsku á haustin og veturna og koma þjónustunni betur á framfæri. Á næstunni verður haft samband við ýmsa þá sem vitað er að hafa þjónað ferðafólki, en nýtt fólk er velkomið í hópinn og ætti að hafa samband í tölvupósti sem hér segir: ferdamal (hjá) dalir.is   og mmaaria  (hjá) atvest.is . Stefnt er að því að efla tengsl, þróa afþreyingu og koma henni betur á framfæri, efla merkingar og upplýsingar til ferðafólks. 

Umsóknir fyrir barnamenningu

List fyrir alla er áætlun sem býður styrki til að halda menningarviðburði fyrir börn, efla menningu sem sköpuð er af börnum eða með þeirra þátttöku. Sótt er um á www.listfyriralla.is/barnamenning fram til 29. mars. 

Helst er höfðað til listamanna og annarra sem sinna barnamenningu í tónlist, sviðslistum, myndlist og ekki síður þar sem farið er inn á nokkur svið lista og menningar. Umsóknarferlinu hefur verið breytt þannig að ekki er sótt lengur til RANN'IS. Gott er að hafa nokkuð nákvæma áætlun tiltæka áður en umsókn er fyllt út.