| | |

Þjónustukönnun Atvest 2012

Þann 4. desember siðastliðinn  sendi Atvest út þjónustukönnun en alls var sent út á 369 aðila sem hafa verið í samskiptum við starfmenn Atvest á síðastliðnum árum með einum eða öðrum hætti. Svarhlutfallið var 30 % en svör bárust frá 114 aðilum.  Niðurstöður þjónustukönnunarinnar liggja nú fyrir.  
 
Spurt var ma. hversu aðgengileg þjónusta Atvest væri, en 61,5 % sagði að þjónusta Atvest væri mjög aðgengileg eða frekar aðgengileg.  43% svarenda taldi líklegt að þeir myndi nýta sér þjónustu eða aðstoð Atvest, 8 % ekki, hinir voru óákveðnir.  Þegar spurt var hvers konar aðstoð aðilar myndu vilja nýta sér næstu 12 mánuði kom eftirfarandi í ljós: 
 
Hver konar aðstoð myndir þú helst vilja fá á næstu 12 mánuðum? Mjög  / Frekar líklegt
Styrkuumsóknargerð 36%
Taka þátt í klasasamstarfi 31%
Vöruþróun 29%
Markaðs- og kyningarstarf 28%
Viðskiptaáætlanagerð 26%
Samvinna sértæk 24%
Rannsóknar- og þróunarstarf 23%
Rekstaráætlanagerð 17%
Enga aðstoð 15%
Handleiðsla við stofnun fyrirtækja 12%
Fjárfestingarráðgjöf 9%
Stærri fjárfestingarverkefni 7%
Fjárfestakynningu 5%
Fjárhagsleg endurskipulagning fyrirtækis 3%
Lánsumsókn til banka/ fjármálastofnunar 2%
 
Einungis 15 % svarenda taldi sig ekki þurfa aðstoð frá Atvest á næstu 12 mánuðum. 
 
Spurt var um sýnileika félagsins en 30% svarenda taldi starf Atvest vera sýnilegt, en 38,5 % starfið ekki vera nægilega sýnilegt.
 
Meirihluti svarenda hafði kynnt sér vinnu við Sóknaráætlun landshluta eða 60 %, 50% svarenda hafði kynnt sér Ísland 2020 og meirihluti svarenda hafði kynnt sér atvinnumálastefnuna í sínu sveitarfélagi eða 60%.
 
Þeir sem sögðust hafa fengið aðstoð frá Atvest á síðastliðnum 12 mánuðum voru sérstaklega spurðir hvernig þeim hefði þótt þjónustan. Þar sögðust 41 % svarenda hafa þegið aðstoð frá verkefnastjórum Atvest á síðastliðnum 12 mánuðum.   Af þeim voru 79 % ánægðir, frekar og mjög ánægðir, 16,5 % var hvorki ánægður né óánægður en 4,5 % sagðist vera óánægður. Að lokum var spurt hvort viðkomandi myndi mæla með vinnu og ráðgjöf verkefnastjóra Atvest og sögðust 84% þeirra myndu mæla með þeim.   
 
Starfsmenn Atvest vilja þakka þeim sem sáu sér fært að taka þátt í þessari könnun og hjálpa okkur að leita leiða til að bæta það sem betur má fara í starfi félagsins.  
 
Nánari upplýsingar um könnun Atvest veitir Neil Shiran Þórisson framkvæmdastjóri félagsins.