| | |

Umsóknarfrestur í Vaxtasamning Vestfjarða er 18.Mars

Vaxtarsamningur Vestfjarða auglýsir eftir umsóknum í verkefni sem hafa eftirfarandi markmið:

 
Markmið samningsins er að efla nýsköpun og samkeppnishæfni atvinnulífsins á Vestfjörðum og auka hagvöxt með virku samstarfi fyrirtækja, háskóla, sveitarfélaga og ríkisins.
 
Leiðirnar til þess að ná markmiðum eru eftirfarandi og þurfa verkefni að taka mið af þeim:
 
  1. Efla samstarf fyrirtækja,  háskóla og opinberra stofnana um þróun og nýsköpun í þágu atvinnulífsins.
  2. Þróa áfram og efla klasasamstarf vaxtargreina svæðisins og efla svæðisbundna sérþekkingu á vel skilgreindum styrkleikasviðum.
  3. Fjölga samkeppnishæfum fyrirtækjum og störfum  og efla framboð á vörum og þjónustu.
  4. Stuðla að útflutningi vöru og þjónustu og gjaldeyrisskapandi starfsemi.
  5. Nýta möguleika sem skapast með aðild að alþjóðlegum verkefnum.
  6. Laða að alþjóðlega fjárfestingu og þekkingu.
 
Sérstök áhersla er lögð á klasaverkefni í sjávarútvegi og í menningartengdri ferðaþjónustu.
Fyrir nánari upplýsingar um klasa er bent á heimasíðu Vaxvest (www.vaxvest.is) og þar er einnig að finna nánari upplýsingar fyrir umsækjendur.
 
Nánari upplýsingar og ráðgjöf varðandi umsóknir og verkefni veitir framkvæmdastjóri Vaxvest , Shiran Þórisson (shiran@atvest.is ).
 
Umsóknarfrestur er til 18. Mars næstkomandi.