| | |

Svæðisleiðsögunám á Vestfjörðum

Á vorönn mun Fræðslumiðstöð Vestfjarða hefja kennslu í svæðisleiðsögn. Mámið er kennt í samvinnu við Leiðsöguskóla Íslands, sem ber faglega ábyrgð á náminu, og Ferðamálasamtök Vestfjarða og Vaxtarsamning Vestfjarða sem styrkir námið.

 

Markmið námsins er að nemendur öðlist almenna þekkingu á leiðsögn og sérþekkingu á Vestfjörðum. Á fyrstu önn koma þátttakendur saman á tveimur helgarlotum, en á annarri og þriðju önn verða þrjár helgarlotur, en námið fer að öðru leyti fram í dreifnámi. Helgarloturnar eru haldnar á mismunandi stöðum á Vestfjörðum. 

 

Umsækjendur þurfa að vera orðnir 21 árs við upphaf námsins, hafa lokið stúdentsprófi eða sambærilegu námi, eða hafi starfsreynslu sem unnt er að meta. Þátttakendur velja sér tungumál, annað hvort erlent mál eða íslensku, og þurfa að standast munnlegt inntökupróf í því tungumáli (ef það er ekki þeirra móðurmál). Að námi loknu fær fólk réttindi til að starfa sem svæðisleiðsögumenn á Vestfjörðum.

 

Miðvikudaginn 27. janúar kl. 20:00 verður haldinn opinn kynningarfundur þar sem farið verður yfir fyrirkomulag námsins. Áhugasamir utan norðanverðra Vestfjarða geta tekið þátt í fundinum með hjálp fjarfundabúnaðar á Hólmavík, Reykhólum og Patreksfirði.

 

Inntökupróf þeirra sem velja sér erlend mál verða haldin í byrjun febrúar.

 

Verð á námskeiðið eru 50.000 kr. fyrir hverja önn.

 

Nánari upplýsingar er að finna á vef Fræðslumiðstöðvarinnar, www.frmst.is