| | |

Styrkir til rannsókna og nýsköpunar í Vestur Barðastrandasýslu

 

Rannsókna- og nýsköpunarsjóður Vestur-Barðastrandasýslu hefur það hlutverk að fjölga atvinnutækifærum með því að efla rannsóknir og nýsköpunarstarf  fyrirtækja, einstaklinga og stofnana sem hafa aðsetur eða lögheimili í Vestur-Barðastandasýslu. Sjóðurinn leggur áherslu á verkefni sem tengjast nýtingu staðbundinna náttúruauðlinda, s.s fiskeldi, ræktun skeldýra og ferðaþjónustu sem byggir á náttúru og menningu svæðisins.  Sjóðurinn tekur að sér að úthluta fjárframlagi ríkisins, sem veitt var til mótvægisaðgerða vegna niðurskurðar þorskaflaheimilda til verkefnisins “Rannsóknir vegna eldis sjávardýra”.
 
Úthlutað verður úr sjóðnum í september n.k. og er umsóknarfrestur 7. September.  Umsóknum skal skila umsókn rafrænt á netfangið atvest@atvest.is merkt Styrkumsókn til R&N V-Barð, fyrir kl 17:00  7. september 2009 og senda síðan undirritaða umsókn til Atvinnuþróunarfélags Vestfjarða, Þekkingarsetrið Skor, Patreksfirði.
 
Allar nánari upplýsingar um úthlutunarreglur sjóðsins er að finna á heimasíðu Atvest: www.atvest.is