| | |

Sóknarbraut á Ísafirði

 

Námskeiðslýsing

Sóknarbraut er hagnýtt námskeið um rekstur fyrirtækja með áherslu á þróun hugmynda, markaðssetningu, stjórnun og fjármál. Námskeiðið er 44 kennslustundir sem skiptast í 11 hluta. Námskeiðið byggir á fyrirlestrum, einstaklingsbundinni handleiðslu og verkefnavinnu.


Boðið er upp á námskeiðið innan ákveðinna svæða hverju sinni. Á haustmisseri 2011 verður boðið upp á Sóknarbraut á Ísafirði.


Hverjum er námskeiðið ætlað?

Námskeiðið Sóknarbraut hentar sérstaklega vel einstaklingum sem starfa sem stjórnendur í minni fyrirtækjum og einstaklingum sem hafa hug á að hrinda í framkvæmd viðskiptahugmynd eða stofna eigið fyrirtæki.


Markmið

Tilgangur námskeiðs er að brúa bilið milli hugmyndar að fyrirtæki og framkvæmdar. Að námskeiðinu loknu hafa þátttakendur:

  • Þróað eigin hugmyndir sínar um atvinnurekstur og komið þeim á framkvæmdastig

  • Kynnst grundvallaratriðum er varða stofnun og rekstur fyrirtækja

  • Öðlast hagnýta þekkingu á þáttum er lúta að markaðsmálum, fjármálum og stjórnun

  • Skrifað viðskiptaáætlun fyrir sína hugmynd


Kennslufyrirkomulag

Kennsla fer fram með fyrirlestrum og  vinnusmiðjum þar sem þátttakendur vinna að þróun sinna verkefna. Námskeiðinu lýkur með kynningu þátttakenda á verkefni sínu og útskrift. Á haustmisseri 2011 fer kennsla fram í Háskólasetrinu að Suðurgötu 12 Ísafirði. Kennt er á  miðvikudögum í sjö skipti, tvö skipti á þriðjudögum, eitt á mánudegi og eitt á fimmtudegi Kennt er kl. 9:30-13:30, utan mánudaginn 31/10 en þá fer kennsla fram kl. 17:30-21:30.


Inntökuskilyrði og kostnaður

Sóknarbraut er opin jafnt körlum sem konum og ekki er gerð krafa um sérstaka undirbúningsmenntun. Eingöngu er gerð sú krafa á þátttakendur að þeir hafi viðskiptahugmynd til að vinna með á meðan námskeiði stendur.  Námskeiðið kostar 35.000 kr. og eru öll námskeiðsgögn innifalin. Umsækjendum er bent á að kanna möguleika á styrk frá sínu stéttarfélagi.


Skráning og frekari upplýsingar

Frekari upplýsingar um námskeiðið má nálgast í kynningarbæklingi. Eingöngu er tekið við umsóknum á rafrænu formi.  Skráningarfrestur á haustmisseri 2011 er 21. september.

 

Nánari upplýsingar má nálgast hjá:

Elínu Aradóttur, verkefnisstjóra, elina@nmi.is, sími: 522 9432
Örnu Láru Jónsdóttur, verkefnisstjóra, 
arnalara@nmi.is, sími: 522 9461