| | |

Samkeppni um merki ( e. Logo) fyrir Sjávarútvegsklasa Vestfjarða

 

Samkeppni um merki ( e. Logo) fyrir Sjávarútvegsklasa Vestfjarða:
 
Sjávarútvegsklasi Vestfjarða er samstarfsvettvangur sjávarútvegsfyrirtækja á Vestfjörðum þar sem unnið er að sameiginlegum hagsmunamálum s.s. markaðsmálum, þróunarstarfi, nýsköpun, menntun, innkaupum osfrv. Klasinn efnir nú til samkeppni um hönnun á merki fyrir sjávarútvegsklasa Vestfjarða. Merkið verður notað í kynningar- og almannatengslastarfi í kringum störf sjávarútvegsklasans. Merkið þarf að vera hannað með það fyrir augum að það geti nýst á alþjóðlegum og vettvangi með sérstaka áherslu á helstu útflutningssvæði fyrir Vestfirskar sjávarafurðir. Merkið þarf líka að vera hannað með það fyrir augum að hægt sé að nota það jöfnum höndum í innlendu markaðs- og kynningarstarfi. Þar af leiðandi mætti horfa á merkið sem hefðbundið fyrirtækjamerki varðandi notkun þ.e.a.s. það gæti verið á umbúðum, birst í auglýsingum, sett á bréfsefni, sett á vefsíður og á annað kynningarefni.
 
Merkið skal hafa tilvísun í þá sérstöðu og þá ímynd sem Vestfirskar sjávarafurðir standa fyrir þar ber helst að nefna:
 
•             Hágæðaafurðir
•             Umhverfisvænleiki
•             Hreinleiki
•             Löng hefð í sjávarútvegi
 
Þetta eiga ekki að vera takmarkandi þættir og vonast er eftir fjölbreyttum hugmyndum.
 
Merkið má að vera að hámarki í þrílit.
 
Skila þarf merkinu inn í keppnina rafrænt á pdf. formi.
 
Ákjósanlegast yrði merkið unnið í Illustrator eða sambærilegum teikniforritum.
 
Hugmyndum þarf að skila inn fyrir 15. Ágúst næstkomandi og eiga þær að sendast á Neil Shiran Þórisson á shiran@atvest.is þar sem þurfa að koma fram tengiliðaupplýsingar um hönnuð merkisins. 
 
Keppnin er opin öllum.
 
Besta merkið verður valið af dómnefnd og keypt af viðkomandi hönnuði á 100.000 kr.