| | |

Nora styrkir til samstarfsverkefna

 

Næsti umsóknarfrestur til að sækja um styrki til samstarfsverkefna hjá NORA er 5. október n.k.
 
NORA styrkir samstarfsverkefni á sviði auðlinda sjávar, ferðaþjónustu, flutninga, upplýsingatækni og annars svæðasamstarfs, en þessir málaflokkar eru tilgreindir sem megin áherslusvið NORA varðandi styrkveitingar. Skilyrði fyrir styrk er að samstarf sé milli a.m.k. tveggja aðildarlanda NORA, en aðild eiga Ísland, Grænland, Færeyjar og strandhéruð Noregs. Undanfarin ár hefur NORA lagt áherslu á að auka samstarfið með austurströnd Kanada og Skotland í huga. Það er því litið jákvæðum augum ef umsækjendur hafa samstarfsaðila frá þessum svæðum, þ.e. Nýfundnalandi og Labrador, sem og á skosku eyjunum.
 
Hámarksstyrkur eru 500 þúsund danskar krónur til eins árs og getur styrkur ekki numið yfir 50% af heildarkostnaði verkefnsins. Umsókn skal skilað á þar til gerðum eyðublöðum sem má finna á heimasíðu NORA, www.nora.fo sem og leiðbeiningar við gerð umsóknar. Mögulegt er að leita aðstoðar NORA við að finna samstarfsaðila.
 
Nánari upplýsingar og aðstoð veitir tengiliður NORA, Sigríður K. Þorgrímsdóttir á Byggðastofnun, netfang: sigga@byggdastofnun.is og sími 455 5400