| | |

Litróf búskapar og byggða: Málþing um landbúnað og byggð í sveitum

 

Málþing um stöðu og framtíð landbúnaðar og byggðar í sveitum verður haldið mánudaginn 14. september næstkomandi í Norræna húsinu í Reykjavík. Þar verða kynntar niðurstöður úr viðamiklu rannsóknaverkefni um þessi efni, „Litróf landbúnaðarins“, sem landfræðingar við Háskóla Íslands hafa unnið að undanfarið. Verkefnið hlaut afmælisstyrk Framleiðnisjóðs landbúnaðarins.
 
Á málþinginu verður fjallað um fjölþætta starfsemi til sveita og fjölþætt hlutverk landbúnaðar. Athygli verður beint að þeirri margvíslegu nýsköpun sem átt hefur sér stað í íslenskum sveitum og hugleitt hvert stefni á næstu árum.
Fundarstjóri verður Bjarni Guðmundsson, prófessor við Landbúnaðarháskóla Íslands.
 
Drög að dagskrá
9:30 Setning málþings
9:35 Jón Bjarnason, landbúnaðarráðherra, flytur ávarp
9:50 Hilkka Vihinen, prófessor við MTT í Finnlandi: Agricultural and rural policies in times of multifunctionality
10:30 Kaffi
10:50 Anna Karlsdóttir, Karl Benediktson og Magnfríður Júlíusdóttir, land-og ferðamálafræðistofu Háskóla Íslands, kynna niðurstöður rannsóknarverkefnisins Litróf landbúnaðarins
12:20 Hádegi
13:30 Rýnt í niðurstöður verkefnisins frá ýmsum hliðum:
 Guðbjörg Helga Jóhannsdóttir, nýsköpunarfulltrúi Bændasamtaka Íslands
 Ólafur Arnalds, prófessor við Landbúnaðarháskóla Íslands
 Daði Már Kristófersson, Hagfræðistofnun Háskóla Íslands.
 Hjördís Sigursteinsdóttir, Rannsóknarstofnun Háskólans á Akureyri
 Ólafur Eggertsson, bóndi á Þorvaldseyri
 Hlín C.M. Jóhannesdóttir, aðjúnkt við Háskólann á Hólum
14:45 Almennar fyrirspurnir og umræður með þátttöku rannsóknarhóps, panels
og gesta á málþinginu
15:30 Málþingi slitið
 
Ekkert þátttökugjald, en í hádeginu verður matur fáanlegur á sanngjörnu verði hjá Dill Restaurant.  Vinsamlegast skráið þátttöku hjá starfsmönnum verkefnisins, Ingu Elísabet Vésteinsdóttur (iev1@hi.is ) eða Sigfúsi Steingrímssyni (sis49@hi.is ).

Málþingið er öllum opið!