| | |

Kynningarfundur á Ísafirði um markaðsátakið Ísland - Allt árið

 Miðvikudaginn 7. sept n.k verður haldin kynningarfundur á Hótel Ísafirði um  um markaðsátakið Ísland – Allt árið, sem hefur að markmiði að efla ferðaþjónustu yfir vetrartímann um allt land. Verkefnið er stórt í sniðum en ríkið hefur lofað að verja til þess 300 milljónum á ári í þrjú ár, gegn því að fyrirtæki í greininni og sveitarfélög komi með sömu upphæð.

 

Þar munu fjalla um verkefnið Árni Gunnarsson, formaður SAF, Erna Hauksdóttir, framkvæmdastjóri SAF, Einar Karl Haraldssonar frá iðnaðarráðuneyti og Inga Hlín Pálsdóttir frá Íslandsstofu. Þátttaka  á fundunum tilkynnist á netfangið info@saf.is og eru ferðaþjónustuaðilar hvattir til að fjölmenna á fundina til að kynan sér þetta mikilvæga verkefni.

Nánari upplýsingar um verkefnið má m.a. finna í kynningarbréfi sem SAF sendi nýverið til félagsmanna sinna.