| | |

Hvetjandi fjárfestir í Örnu ehf.

Eignarhaldsfélagið Hvetjandi hefur ákveðið að kaupa hlutafé í Örnu ehf. í Bolungarvík sem tryggir Hvetjanda  6.94% eignarhlut í félaginu.  Arna er fyrirtæki sem sérhæfir sig í framleiðslu á mjólkurvörum án mjólkursykurs en markaðurinn fyrir þannig mjólkurvörur hefur verið í örum vexti undanfarin ár. Mjólkuróþol er mjög mismunandi eftir heimsálfum en í Vestur Evrópu er talið að 10% íbúa þjáist af óþoli . Sumstaðar í Afríku og Asíu getur tíðnin náð allt að 90%. Með vaxandi heilsuvitund fólks þar sem aukin áhersla er á fæðu sem  stuðlar að auknu heilbrigði og vellíðan er ljóst að framleiðsluvörur Örnu hafa fulla burði til þess að falla  í kramið hjá neytendum en  fyrirtækið  mun framleiða margvíslegar vörur unnar úr hágæða mjólk þ.m.t. skyr, jógúrt, rjóma og osta. Fyrirtækið er lítið og sveigjanlegt og hefur það að markmiði að bregðast við þörfum syllumarkaða með sem skjótustum hætti.  Framleiðslan mun fara í sölu og dreifingu í haust. Frumkvöðlar verkefnisins eru Hálfdán Óskarsson mjólkurtæknifræðingur  og Þórarinn Egill Sveinsson mjólkurverkfræðingur.

 

Með fjárfestingu sinni er Hvetjandi að leggja sitt af mörkum til þess að nýjir og vonandi arðbærir sprotar geti komið vöru sinni í framleiðslu og inn á vaxandi markað.  Slíkt hjálpar til við að skapa sterkara og fjölbreyttara atvinnulíf á Vestfjörðum.  Hvetjandi á jafnframt í viðræðum við Bolungarvíkurkaupstað um bærinn komi inní Hvetjanda sem hluthafi og í kjölfarið er áætlað er að fara í frekari kaup á hlutafé í Örnu sem mun styrkja verkefnið enn frekar.