| | |

Hönnunarsamkeppni á vestfirsku lopapeysumunstri.

Hönnunarsamkeppni á vestfirsku lopapeysumunstri stendur nú yfir hjá nemendum í fatahönnun við Listaháskóla Íslands. Hönnunarsamkeppnin er samstarfsverkefni Atvinnuþróunarfélags Vestfjarða, Listaháskóla Íslands og Hönnunarmiðstöðvar Íslands og er styrkt af Vaxtarsamningi Vestfjarða og Ístex. Markmiðið með keppninni er að hanna mynstur fyrir sérvestfirskar lopapeysur sem öllu prjónafólki og handverksfélögum sem selja lopapeysur til innlendra og erlendra ferðamanna, og auðvitað heimamanna, stendur svo til boða. Sérstök dómnefnd mun svo velja sigurvegarann.



Fjórtán tillögur munu berast frá nemendunum og til stendur að hafa sýningu á þeim víða um Vestfirði í sumar. Atvest óskar nú eftir áhugasömu prjónafólki alls staðar að af Vestfjörðum sem áhuga hafa á að taka þátt í þessu verkefni á þann hátt að prjóna þær fjórtán tillögur sem berast og munu þessar peysur vera á sýningunni í sumar.

Allir áhugasamir eru beðnir um að hafa samband við Ásgerði Þorleifsdóttur verkefnasjóra hjá Atvest í síma 450 3053 eða á netfangið asgerdur@atvest.is.