| | |

HH2 á Vestfjörðum

HH2 á Vestfjörðum
HH2- frá hugmynd til markaðar hefst á Vestfjörðum dagana 9.-10. apríl. Verkefnið er sjálfstætt framhald hins árangursríka og vinsæla verkefnis Hagvöxtur á heimaslóð (HH)sem er sniðið að þörfum fyrirtækja og hagsmunaðila í ferðaþjónustu. Frestur til að skrá þátttöku í verkefnið rennur út miðvikudaginn 19. mars 2008.
Markmið verkefnisins er að auka markaðsvitund þátttakenda með kennslu árangursríkra vinnubragða hvað varðar markaðssetningu og frágang vöru á markað. Mikil áhersla er lögð á virka þátttöku í verkefninu.

Tilgangur verkefnisins og áherslur eru eftirfarandi:

- Greining á helstu einkennum og söluvörum svæðisins.
- Þróun hugmynda og vara sem verða til við samstarf ferðaþjónustufyrirtækja á svæðinu.
- Ráðgjöf: Ráðgjafar leiða vöru- og þjónustuhópa, en hlutverk hópanna er að fullmóta vörur frá svæðinu og fyrirtækjum.
- Handleiðsla á markað: Vörur verða síðan tengdar fáum, ákveðnum áherslusvæðum erlendis. Unnið verður að tengslamyndun og markaðssetningu “djúpt” í markaðinn og horft til uppbyggingar á markaði og tengslum til langs tíma.
- Sýningaþátttaka: Áhersla lögð á ferðasýningar á þeim markaðssvæðum sem valin hafa verið.

Vinnufundirnir verða tveir í upphafi verkefnisins og standa í tvo daga í senn og verða fundirnir haldnir á Vestfjörðum. Fyrsti fundurinn mun fara fram 9.-10. apríl og næsti fundur 14.-15. maí 2008. Gera þarf ráð fyrir vinnu á milli funda.

Gjald fyrir þátttöku í fyrstu tveimur fundunum er 37.000 kr. innifalið í því eru ráðgjöf, fyrirlestrar, námsgögn, fæði og gisting á meðan vinnufundum stendur. Þátttakendur bera sjálfir kostnað af ferðum til og frá vinnufundum. Þátttökugjald vegna handleiðslu á markað og sýningaþátttöku fer eftir eðli viðburðar hverju sinni.
Nánari upplýsingar um verkefnið veita Hermann Ottósson, forstöðumaður, hermann@uflutningsrad.is og Inga Hlín Pálsdóttir, verkefnisstjóri, inga@uflutningsrad.is.