| | |

Fyrirtækjaheimsóknir og íbúaþing á Þingeyri

Atvinnumálanefnd Ísafjarðarbæjar og Atvest standa sameiginlega fyrir fyrirtækjaheimsóknum og íbúaþingi um atvinnumál á Þingeyri, þriðjudaginn 17. mars n.k. Þetta er liður í röð heimsókna og íbúaþinga á norðanverðum Vestfjörðum. Með þessu móti fara saman áherslur Atvest um formlegar fyrirtækjaheimsóknir og stefna Atvinnumálanefndar að leita eftir hugmyndum og skoðunum almennings.



Yfirskrift íbúaþingsins er: Hvernig verður Þingeyri eftir 5-10 ár? Þar munu fulltrúar atvinnumálanefndar og Atvest halda stutt erindi, en síðan verður þátttakendum gefið færi á að starfa í vinnuhópi þar sem unnið verður undir eftirfarandi formerkjum:

• Atvinnuþróun, nýsköpun
• Stjórnsýsla, skipulag og aðkoma að atvinnulífi
• Samfélagið og framtíðin

Íbúaþingið er öllum opið og vonast aðstandendur þess til að sem flestir mæti þannig að umræðan gefi sem besta mynd af skoðunum og hugmyndum íbúa á Þingeyri.

Íbúaþingið verður haldið í Félagsheimilinu á Þingeyri og stendur frá kl 17:30 til 19:00. Þátttöku má gjarnan tilkynna í síma 450-3000 eða á atvest@atvest.is

Allar nánari upplýsingar gefa Hálfdán Bjarki hjá Ísafjarðarbæ í síma 450-8000 og Ásgerður hjá Atvest í síma 450-3000