| | |

Auglýst eftir umsóknum um rannsóknarstyrk

 Fjórðungssamband Vestfirðinga hefur auglýst eftir umsóknum um rannsóknarstyrk sem er hluti af 16 verkefnum ríkisstjórnarinnar um eflingu atvinnu og byggðar á Vestfjörðum. 

 

Markmiðið með styrkveitingunni er að efla samstarf háskóla-, þekkingar- og fræðasetra á Vestfjörðum í gegnum rannsóknir og að auka starfsemi og nýjungar á sviði rannsókna. 

 

Umsóknarfrestur er til 15. september og er styrkurinn veittur til tveggja ára og nemur allt að 6 milljónum ár hvert. 

 

Við úthlutunina verður sérstaklega horft til ofangreindra markmiða, en auk þess munu eftirfarandi þættir einnig hafa áhrif: að verkefnið sé nýtt verkefni, verkefnið hafi efnahagslegt verðmæti og að það geti verið sjálfbært eftir tveggja ára tíma. 

 

Styrkurinn tekur ekki til beins rekstrarkostnaðar. Nánari upplýsingar er að finna á vef Fjórðungssambandsins.